Vasitəçilik

Ümumi qaydalar

• Vasitəçilik yalnız Discord serverimizdə, rəsmi vasitəçi rolu olan komanda üzvü ilə aparılır.
• Sövdələşmə açılan kimi ayrıca kanal yaradılır: alıcı, satıcı və vasitəçi. Bütün danışıq həmin kanalda qalır.
• Şərtlər kanalda yazılır və hər iki tərəf təsdiqləyir. Təsdiqdən sonra şərtlər dəyişdirilmir.
• Ödəniş əvvəlcə vasitəçiyə köçürülür — məhsul təhvil verilənə qədər pul satıcıya ötürülmür.
• Hər mərhələni tərəflər özləri təsdiqləyir; vasitəçi heç kimin yerinə düymə basmır.

Qadağalar

• Qanunsuz, oğurlanmış və ya geri qaytarıla bilən ödəniş üsulu ilə alınmış məhsul.
• Kanaldan kənar (DM) ödəniş və ya təhvil — belə halda heç bir zəmanət işləmir.
• Vasitəçinin adından yazışmaq, saxta skrinşot göndərmək, başqasının hesabından istifadə etmək.
• Yanlış məlumat verən və ya mübahisədə əməkdaşlıq etməyən tərəf qara siyahıya düşür.

Mübahisə

• Mübahisə açılanda məbləğ vasitəçidə dondurulur, heç bir tərəfə ötürülmür.
• Vasitəçi kanaldaki yazışmaya və təqdim olunan sübutlara (skrinşot, çek, video) baxır.
• Sübut gətirmək iddia edən tərəfin öhdəsindədir.
• Qərardan sonra məbləğ ya satıcıya buraxılır, ya da alıcıya qaytarılır.

Komissiya və məsuliyyət

• Komissiya satıcının alacağından kəsilir; alıcı razılaşdığı məbləği ödəyir.
• Faiz sövdələşmə açılan anda qeydə alınır — sonrakı dəyişiklik köhnə sövdələşməyə təsir etmir.
• Vasitəçi məhsulun keyfiyyətinə zəmanət vermir; onun işi ödənişi və mərhələləri qorumaqdır.